www@www
wei wei wei @ world wide web
追左差不多年半既漫畫One Outs終於完滿結束 (雖則日本半年前出左第20集, 不過我諗應該係外傳之類?). One Outs 係講述日本職棒長年弱旅Lycanos, 點樣係一個球技三流既賭徒渡久地東亞加入後搖身一變成為聯賽霸者既故事. 簡單地講, 你可以當佢係一個棒球既Liar Game.
成個故仔完全擺脫一般棒球漫畫既風格 - 主角並唔識得投任何魔球, 又或者靠”努力”或”熱情”黎戰勝對手. 相反, 主角渡久地東亞既投球比高中生都不如, 既投唔出變化球, 又投唔出高速球. 佢唯一既武器, 就係閱讀對手既心理 (當然, 呢個都有少少超現實), 用盡各種方法欺瞞詐騙黎嬴取勝利.
故事除左講述渡久地點樣用佢既頭腦計算同埋玩弄對手之外, 另一條主線就講佢點樣調整長期積弱既隊友既心態. 故事開始既時候, Lycanos的隊員都係當職棒係一份工, 覺得自己盡左人事, 輸左都無法子 . 佢地面對強敵既時候, 往往表現畏縮, 將”冇可能”經常掛係嘴邊.
渡久地加入之後, Lycanos的隊員開始明白求勝既真正意義: 唔係淨係靠努力, 又唔係靠所謂既”盡左力”, 而係要用盡心思, 搵出對方既弱點同埋任何可以致勝既方法, 要對勝利有慾望, 就算以弱對強, 都一樣可以搵到勝機.
“競賽(游水, 跑步)是只有強者才能取勝, 但棒球不同, 這是弱者也可以找到勝機的遊戲. 老是說’我太弱了’, ‘我做不到’, 根本不去找取勝機會的傢伙, 就會淪為真正的弱者”.
整體黎講, One Outs 比起Liar Game (同為甲斐谷 忍作品) 要簡單直接得多. 唯一有少少失望係故事既後半段越來越少講渡久地係棒球場上既鬥智, 反而講得太多佢同球隊老細彩川既金錢欺詐. 自己覺得故事頭十期比較精彩(特別係第4期).
追完一套漫畫感覺得有少少不捨, 唯有繼續等Liar Game出書la宜家.
no comments
RSS / trackback