www@www
wei wei wei @ world wide web
尋日有少少”攝”時間性質地睇左G.I.Joe: The Rise of Cobra (義勇群英之毒蛇風暴), 意料之外地ok woh. 個故仔其實都真係幾簡單: 一個特種部隊同一個恐怖組職既鬥high tech大戰. 其實G.I. Joe應該係80年代一個好受歡迎既玩具series (類似變形金剛), 不過由於我細個都係比較沉迷transformers, 所以基本上我係完全唔知呢個故仔原著係點同埋有d咩人物. 再加上入面又好似冇乜出名既演員, 我可以話係完全唔帶任何期望地入場.
結果係起碼佢個情節真係幾緊湊, 完全唔悶, 120分鐘內基本上都打足比你睇. 入面既各種新奇刺激科技野好過癮, 某d位好似睇緊Star War咁, 雖則基本上佢所有既technology都係建基於納米技術上. 自己幾鐘意佢係法國街上果場追逐戰, 同埋兩個黑白忍者既對決.
人物方面雖則真係冇個識, 但總體覺得個個幾入型入格. 除左主角Duke比較遜色, 我幾鐘意Storm Shadow (白忍者), Ripcord (主角個friend, 渣戰機果個), Ana / Baroness (男爵夫人) 同埋 Scarlett (好叻果個女仔). 兩個女角都索得黎幾型, 尤其係做Scarlett既Rachel Nichols. Ripcord夠攪笑, 但最鐘意都係Storm Shadow (李炳憲飾), 仲有估佢唔到d英文講得咁好 (係練過定佢本身係講得咁好呢唔知).
有少少唔鐘意係總覺得整個空間好似好假咁. 覺得佢畫果d特技真係好”畫出黎”既感覺. 係, 我知呢故事入面大部分既野本來就係超真實, 但至少Transformers冇比我呢種感覺. 或者係因為Transformers 都不過係由d真車變出黎, 所以睇落去現實少少?
故仔尾段係講到明比你知佢係會有續集. 希望佢到時可以比到多d新意我地la!!
no comments
RSS / trackback