ICE AGE 3

July 4, 2009
Tagged ,

今日都算堅, 24個鐘之內睇晒Ice Age 1 - 3. 先係尋晚係屋企上網連續煲左Ice Age 1 + 2, 跟住今日入機場睇埋4D巨幕版既Ice Age 3.

今集新加既角色獨眼龍”阿北”我唔係好鐘意, 覺得佢有少少想抄荒失失奇兵既King Julian, 但又冇King Julian咁好笑. 反而今集果幾隻恐龍仔同埋文輝個女peach就真係好得意!

一向好搶鏡既松鼠仔今集都有好多戲份, 幾鐘意佢同松鼠女搶果實果幾幕. 其實我相信鐘意睇Ice Age既觀眾好大部分都係鐘意睇呢隻松鼠仔. . .

總括黎講我都幾鐘意成個Ice Age既series. 佢未必每一集都會令你好驚喜, 但一定唔會令你失望. 至少我24個鐘之內睇3套Ice Age都唔覺得悶, 反而覺得一集比一集攪笑.

順帶講下今次係機場既4D超立體巨幕影館既體驗. 一坐底個感覺好似返左大學一個lecture hall度聽書咁. 如果你有打算去呢度睇戲, 我提議你可以買H 或者 I 行 (我買左G, 覺得略為矮左少少). 非常滿意成套戲既3D 效果, 唯一有少少怪怪地係佢個”4D”, 好似有少少唔協調咁. 記得有一幕係出煙, 佢差不多人地入面做完佢先出到. 不過以HKD 65既價錢就可以有咁既享受, 若然你唔怕遠或者去開機場既真係值得推介!

Update: 呢頭戲院上緊Ice Age 3, 話說20th Centry Fox正準備畫Ice Age 4! 新既呢一套Ice Age暫叫做”Ice Age 4 - th4w“. 想知多d可以去呢度睇下.

no comments

RSS / trackback

respond