www@www
wei wei wei @ world wide web
話說上星期六舉家去左澳門威尼斯人睇阿RAIN (韓國果個)既fashion concert. 個show聲稱係8點開始, 我地亦大約8點左右到達會場. 我地買既算係中價飛, 位置都算相當唔錯 (我覺得仲好過買貴飛果d):
我地等到8:30左右個concert正式開show. 阿RAIN出黎跳左兩野, fashion show環節亦同時開始. Fashion show既服裝基本上係阿RAIN設計, 雖然唔覺得係好勁既design, 但佢襯d衫真係襯得幾好, d model又著得好睇, 整個fashion show都相當不俗.
Fashion show果part完左之後, 阿RAIN又出黎跳舞同唱快歌, 中間又夾下d慢歌同播下MTV…正當好鬼欣賞之際..佢忽然用英文講: “This is my last song tonight”. 嘩! 睇睇錶不過係9:30…咪仲短過勁歌金曲季選? 佢有冇唱左十隻歌呢? 呢個時候, 呢兩個字相信或多或少都浮左係在場既人(non-fans)腦裏面: 回水.
阿RAIN唱完佢”最後一隻”歌之後就入左後台. 成晚係我後面叫得好大聲既妹妹不停大叫”Come back to me!!”, 我爭d以為佢地係同concert飛既錢講. 過左一陣阿RAIN就出返黎, 又唱左兩隻應該係飲歌既歌 (我見d歌迷都識叫同唱), 跟住講左陣野就完左個show.
總體黎講其實除左短d之外, 整個show都相當精彩冇悶場, 就算我呢d non-fans 都覺得唔錯. 而佢另一個最厲害既地方就係佢係個台上做乜野都好…跌左錢又好, 飲杯水又好…一舉手一投足, 都能夠引黎fans既尖叫. 試問大家仲點會介意佢唱左幾多首歌? 我諗以佢既號召力…佢有”出現” d fans都已經足夠如痴如醉..
no comments
RSS / trackback